کورونا بحران بیلجئین عوام

کورونا بحران میں بیلجئین عوام نے23ارب یورو بینکوں میں جمع کروائے

Spread the love

کورونا بحران بیلجئین عوام

برسلز (جے ٹی این آن لائن نیوز) بیلجیئم میں کورونا وائرس سے پیدا ہونے والے

صحت اور معاشی بحران کے باوجود 2020 میں بیلجئین عوام نے 23 ارب یورو

بینکوں میں جمع کروائے۔غیرملکی خبررساں ادارے کے مطابق یہ بات نیشنل بینک

آف بیلجیئم کی جانب سے جاری کردہ سالانہ رپورٹ میں بتائی گئی ۔رپورٹ کے

مطابق 2020 میں جمع کروائی جانے والی یہ رقم گذشتہ کئی سالوں سے جمع

ہونے والی رقوم سے کہیں زیادہ ہے۔ یہ رقم بیلجیئم کے شہریوں کی دستیاب اوسط

آمدنی کا 21 فیصد بنتی ہے۔یاد رہے کہ بیلجیئم میں 2009 کے مالی بحران کے بعد

سے دستیاب اوسط آمدنی میں سے بچت کی شرح کبھی بھی 13 فیصد سے زیادہ

نہیں رہی۔اس بچت کی بنیادی وجہ عالمی وبا کورونا وائرس اور اس سے منسلک

اقدامات بنے ہیں۔ جہاں لاک ڈائون کے باعث سفر، سیاحت اور ریستورانوں میں

انتہائی کم رقم خرچ کی گئی۔رپورٹ میں بتایا گیا ہے کہ اگر چہ گذشتہ مہینوں میں

لوگوں نے اپنے اخراجات کم کئے ہیں، لیکن بینکوں میں جمع کروائی جانے والی

رقم کے یہ اعداد و شمار تیزی سے معاشی بحالی کی امید کو فروغ دیتے ہیں۔اس

کے ساتھ ہی نیشنل بینک کی اس رپورٹ میں مزید بتایا گیا ہے کہ یہ معاملہ ہر

شہری کے ساتھ نہیں ہے۔ جیسا کہ ہر بحران میں ہوتا ہے، اس عالمی وبائی بحران

نے بھی سب سے زیادہ اثرات معاشی طور پر کمزور گروہوں پر چھوڑے ہیں۔ان

میں عارضی کام کرنے والے، اپنا کام کرنے والے اور ایمپلائمنٹ ایجنسیوں کے

ذریعے کام حاصل کرنے والے افراد شامل ہیں۔

کورونا بحران بیلجئین عوام

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply