عمران خان منی لانڈرر

آزاد کشمیرانتخابات کے نتائج مسترد ،مسلم لیگ ن نے تحریک کا اعلان کر دیا

Spread the love

کشمیرانتخابات نتائج مسترد

مظفر آباد (جے ٹی این آن لائن نیوز) مسلم لیگ (ن)نے آزاد کشمیر الیکشن میں دھاندلی کا الزام عائد

کرتے ہوئے نتائج کو ماننے سے انکار کر دیا اور دھاندلی کیخلاف تحریک چلانے کا اعلان کر دیا

ہے۔، وزیراعظم آزاد کشمیر راجہ فاروق حیدر نے سابق وزیر اعظم پاکستان شاہد خاقان عباسی اور

احسن اقبال کے ہمراہ پریس کانفرنس سے خطاب کرتے ہوئے کہا آزاد کشمیر میں پیسہ بانٹ کر ووٹ

چوری کیا گیا،ڈمی وزیر اعظم لا کر ریاست کو صوبہ بنانے کی باتیں کی جا رہی ہیں، انتخابی عمل

ریاستی قبضے میں ہونا بدقسمتی ہے، 25جولائی کو جمہوریت ہاری، آزاد کشمیر کے انتخابات میں

وہی کچھ ہوا جو 2018 میں پاکستان میں ہوا تھا، ۔ غیر نمائندہ حکومت کشمیر کاز کو کس طرح آگے

بڑھائے گی؟پیسے کے بل بوتے پر لوگوں کو اقتدار میں لانے کی کوشش ہو رہی ہے، یہ عمران خان

نہیں بلکہ پیسے کا ووٹ ہے، جو حکومت کشمیریوں کو حق حکمرانی نہیں دینا چاہتی کیا وہ حق خود

ارادیت دے گی،آزاد کشمیر کے موجودہ الیکشن نتائج آزاد کشمیر کی سیاست پر کھلا حملہ ہے اور اس

حملے کو کشمیری کبھی برداشت نہیں کر سکتے۔منگل کو مظفرآباد میں مسلم لیگ (ن) کے رہنماؤں

شاہد خاقان عباسی ‘ احسن اقبال ‘ مصدق ملک ‘ سابق وزیر اعظم آزاد کشمیر راجہ فاروق حیدر سمیت

دیگر رہنماؤں نے مشترکہ پریس کانفرنس کی۔ پریس کانفرنس سے خطاب کرتے ہوئے سابق وزیر

اعظم پاکستان شاہد خاقان عباسی نے کہا کہ بدقسمتی ہے کہ الیکشن عمل ریاست کے قبضے میں ہے،

موجودہ الیکشن کے نتائج کو تسلیم نہیں کرتے اور غیر نمائندہ حکومت کے قیام کو بھی نہیں مانتے۔

غیر نمائندہ حکومت کس طرح کشمیر کاز کو آگے بڑھائے گی۔ انہوں نے کہا کہ مسلم لیگ (ن) نے

آزاد کشمیر میں بڑی سطح پر سب سے زیادہ عوامی جلسے کئے عوام کی بڑی تعداد نے شرکت کی

اور مسلم لیگ (ن) کے بیانیہ سے اتفاق کیا لیکن الیکشن کے نتائج انتخابی مہم کی عکاسی نہیں کرتے

جبکہ مسلم لیگ (ن) کے امیدواروں نے ثابت قدمی دکھائی۔ شاہد خاقان عباسی نے کہا کہ حقیقت میں

25 جولائی کو آزاد کشمیر میں جمہوریت ہاری ہے اوریہ معاملہ پری پول رگنگ سے شروع ہوا اور

جمہوری اقدار کو تباہ کیا گیا ۔ انہوں نے کہا کہ آزاد کشمیر کے موجودہ الیکشن نتائج آزاد کشمیر کی

سیاست پر کھلا حملہ ہے اور اس حملے کو کشمیری کبھی برداشت نہیں کر سکتے۔ انہوں نے کہا کہ

امریکہ میں بیٹھ کر وزیر اعظم عمران خان نے ڈونلڈ ٹرمپ سے مسئلہ کشمیرکے حل کرنے اور ثالثی

کی جو بات کی تھی اس کے نتائج آنا شروع ہو گئے ہیں۔ بھارت کی جانب سے آرٹیکل 370 کو ختم

کرنے پر وفاقی وزراء خاموش رہے جبکہ عمران خان کی دورہ امریکہ سے واپسی پر کہا کہ وہ ورلڈ

کپ جیت کر آئے ہیں یہ سب اس جانب نشاندہی کر رہا ہے کہ حکومت نئے راستے کی طرف جا رہی

ہے اور مسئلہ کشمیر سے انحراف کر رہی ہے ۔ شاہد خاقان عباسی نے کہاکہ آزاد کشمیر میں ڈمی

وزیر اعظم لا کر صوبہ بنانے کی باتیں ہو رہی ہیں ۔ صوبہ بنانا اور نیا راستہ ڈھونڈنا اقوام متحدہ کی

قراردادوں کی نفی ہے۔ کشمیری عوام صوبہ بنانے یا نیا راستہ ڈھونڈنے کو کبھی تسلیم نہیں کریں گے

جبکہ انتخابات میں دھاندلی کر کے بنائی جانے والی حکومت کو کشمیری نوجوان کبھی آگے بڑھنے

نہیں دینگے۔ دھاندلی کرکے حکومت میں آنے والے عوام کے حق پرڈاکہ ڈالنے آئے ہیں یہ کوئی

خدمت کرنے والی حکومت نہیں ہو گی یہ صرف پیسے پر بننے والی حکومت ہو گی جو کشمیرکاز کو

روکے گی۔ انہوں نے کہا کہ ہم موجودہ انتخابی نتائج کو مسترد کرتے ہیں ۔ مسلم لیگ (ن) اسے

کشمیریوں کے حقوق پر ڈاکہ سمجھتی ہے۔ پریس کانفرنس سے خطاب کرتے ہوئے آزاد کشمیر کے

سابق وزیر اعظم راجہ قاروق حیدر نے کہاکہ کشمیری پاکستانی عوام کے شکر گزار ہیں کہ 74 سال

سے ہمارا ساتھ دے رہے ہیں لیکن میرا پاکستانیوں سے سوال ہے کہ جو حکومت کشمیریوں کو حق

حکمرانی نہیں دینا چاہتی کیا وہ حق خود اارادیت دے گی۔ کشمیریوں کے ساتھ مذاق کیا جا رہا ہے

ہمیں تو 5 سال تک حق حکمرانی نہیں دیا جا رہا ہے۔انہوں نے کہا کہ عمران خان نے آزاد کشمیر کے

ساتھ کھلواڑ کیا ہے ۔ کشمیری عوام کوئی بھیڑ بکریاں نہیں ہیں ۔ وفاقی وزراء نے انتخابی مہم میں

پیسے بانٹے ‘ اربوں روپے کے منصوبوں کے اعلانات کئے۔ سابق وزیر اعظم آزادکشمیر نے انتخابی

نتائج کو مسترد کرتے ہوئے کہا کہ آزادکشمیر کیلئے تحریک چلانے کا اعلان کرتا ہوں۔عمران خان کا

اصل چہرہ پوری دنیا کو دکھاؤں گا اور عوام کو بتاؤں گا یہ عوام کے الیکشن نہیں یہ پیسوں کا الیکشن

ہیدوسری طرف پاکستان مسلم لیگ ن کی نائب صدر مریم نواز نے آزاد کشمیر کے الیکشن میں مبینہ

دھاندلی کی ویڈیو سوشل میڈیا پر شیئر کر دی،پولنگ عملہ مبینہ طور پر پاکستان تحریک انصاف کے

حق میں بیلٹ پر ٹھپے لگارہا ہے۔ مریم نواز نے سماجی رابطوں کی ویب سائٹ ٹوئٹر پر فارورڈ کہوٹہ

کے علاقے شیخ سولی پرائمری اسکول میں قائم پولنگ اسٹیشن میں مبینہ طور پر دھاندلی کی ویڈیو

شیئر کی۔ انہوں نے ساتھ میں لکھا کہ یہ پولنگ عملے کی ویڈیو ہے جو پاکستان تحریک انصاف کے

حق میں بیلٹ پر ٹھپے لگارہا ہے۔ انہوں نے کہا کہ یہی کام برابر میں لڑکیوں کے اسکول میں بنے

پولنگ اسٹیشن پر بھی ہوا۔ مریم نواز نے بتایا کہ یہ ویڈیو فرنٹیئر کانسٹیبلری (ایف سی) کے ایک

اہلکار نے بنائی جو پولنگ عملے کو دھاندلی سے روک رہا تھا۔ ویڈیو میں ایف سی اہلکار جب پولنگ

عملے کو دھاندلی سے روکتے ہوئے کہتا ہے کہ یہ غیر قانونی کام ہورہا ہے، یہ مناسب اور ٹھیک

نہیں، اگر کسی نے ہم سے پوچھا کہ آپ کیا کررہے تھے تو ہم کیا جواب دیں گے۔ اس پر پولنگ عملہ

اس سیکیورٹی اہلکار سے کہتا ہے کہ یہ آپ کا کام نہیں، یہ ہماری ذمہ داری ہے، آپ کا کام صرف

سیکیورٹی فراہم کرنا ہے۔ جس پر سیکیورٹی اہلکار کہتا ہے کہ ہم اس پر اپنے سیئنر افسر سے بات

کریں گے۔

کشمیرانتخابات نتائج مسترد

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply