corona Special jtnonline2

فرانس میں تشخیص نہ کی جا سکنے والی کرونا وائرس کی نئی قسم دریافت

Spread the love

پیرس (جے ٹی این آن لائن کرونا سپیشل) کرونا نئی قسم دریافت

یورپی ملک فرانس میں کرونا وائرس کی ایک اور نئی قسم کو دریافت کر لیا گیا

ہے، تاہم ابھی اس بات کا علم نہیں ہوسکا نئی قسم اوریجنل وائرس کے مقابلے میں

زیادہ خطرناک یا متعدی ہے یا نہیں۔ میڈیا رپورٹس کے مطابق فرانس میں کرونا

وائرس کی ایک ایسی نئی قسم کو دریافت کیا گیا ہے جس کو پی سی آر ٹیسٹوں میں

پکڑنا بہت مشکل ہوتا ہے، ابھی یہ معلوم نہیں کہ یہ کس حد تک جان لیوا یا متعدی

ہے۔ اے آر ایس ہیلتھ سروس کے مقامی ڈائریکٹر اسٹیفن میولیز نے ایک پریس

کانفرنس کے دوران بتایا کہ لانیون کے ایک ہسپتال کے بائیولوجسٹ نے حال ہی

میں درجنوں اموات پر تحقیق کے دوران اس نئی قسم کو دریافت کیا۔ انہوں نے بتایا

کہ 7 افراد میں کرونا وائرس کی روایتی علامات دریافت ہوئی تھیں حالانکہ ان کے

پی سی آر ٹیسٹ منفی رہے تھے، جس کے لیے ناک سے حاصل کیے جانے والے

مواد کا تجزیہ کیا جاتا ہے اور عموماََ بہت زیادہ مستند ہوتے ہیں۔

=-= ضرور پڑھیں: ایرانی کرونا ویکسین ” فخرہ ” کا طبی تجربہ شروع

اسٹیفن میولیز نے بتایا کہ خون اور نظام تنفس کی گہرائی میں موجود بلغم کے مزید

ٹیسٹوں سے ان مریضوں میں کووڈ کی تشخیص ہوئی، یہ سب افراد معمر اور پہلے

سے مختلف امراض سے متاثر تھے۔ اس موقع پر فرنچ ہیلتھ ایجنسی کے ریجنل

ڈائریکٹر ایلن تریتے نے بتایا کہ ایک امکان یہ ہے کہ وائرس نظام تنفس کے اوپر

اور زیریں حصوں میں برق رفتاری سے پھیل گیا۔ ان نمونوں کو پیرس کے پیستور

انسٹی ٹیوٹ میں جینیاتی سیکونسنگ کے لیے بھیجا گیا تھا، جس کے بعد تصدیق

ہوئی کہ یہ وائرس کی ایک نئی قسم ہے۔ اس دریافت کے بعد اس خطے میں ٹیسٹوں

اور ٹریسنگ کا عمل بڑھا دیا گیا ہے کہ تاکہ تعین کیا جا سکے کہ یہ نئی قسم دیگر

علاقوں تک پہنچی ہے یا نہیں۔ اے آر ایس کا مزید کہنا ہے کہ ابتدائی تجزیوں میں

یہ عندیہ نہیں ملا کہ یہ نئی قسم اوریجنل وائرس کے مقابلے میں زیادہ خطرناک یا

متعدی ہے۔

کرونا نئی قسم دریافت

=قارئین=:خبر اچھی لگے تو شیئر، اپڈیٹ رہنے کیلئے فالو کریں

Leave a Reply