پی ایس ایل فائیو، اسلام آباد نے لاہور قلندرز کو 71 رنز سے شکست دیدی

لاہور(سپورٹس رپورٹر) پاکستان سپر لیگ (پی ایس ایل) کے پانچویں ایڈیشن کے 17 ہویں میچ میں

اسلام آباد یونائیٹڈ نے لاہور قلندرز کو شکست دے دی۔اسلام آباد یونائیٹڈ نے پہلے کھیلتے ہوئے لاہور

کو 199 رنز کا ہدف دیا، لیوک رونکی 48 اور کولن منرو ناقابل شکست 87 رنز بناکر نمایاں رہے۔

جواب میں لاہور قلندرز کی ٹیم 18.5 اوورز میں 127 رنز بناکر آؤٹ ہوگئی اور اسلام آباد میچ 71

رنز سے جیت گیا۔لاہور قلندرز کے کپتان سہیل اختر نے ٹاس جیت کر پہلے فیلڈنگ کا فیصلہ کیا اور

اسلام آباد یونائیٹڈ نے مقررہ اوورز میں 3 وکٹوں کے نقصان پر 198 رنز بنائے۔اسلام آباد کی جانب

سے کولن منرو اور لیوک رونکی نے شاندار آغاز کیا اور 103 رنز کی اوپننگ پارٹنر شپ قائم کی۔

اس موقع پر لیوک رونکی 48 رنز بناکر آؤٹ ہوگئے۔ اس کے بعد شاداب خان بھی صرف 7 رنز بناکر

پویلین لوٹ گئے۔ کولن انگرام 29 رنز بناسکے تاہم منرو اور آصف علی نے مزید کوئی نقصان نہیں

ہونے دیا۔ منرو 87 اور آصف علی 6 گیندوں پر 20 رنز بناکر ناٹ آؤٹ رہے۔اسلام آباد یونائیٹڈ کی

جانب سے رواں پی ایس ایل کا پہلا میچ کھیلنے والے فاسٹ بولر ڈیل اسٹین نے لاہور کو پہلے اوور

کی دوسری ہی گیند پر جھٹکا دے دیا اور کرس لین کو پویلین بھیج دیا۔ وہ بغیر کوئی رن بنائے کیچ

آؤٹ ہوئے۔پہلی وکٹ گرنے کے بعد لاہور قلندرز سنبھل ہی نہ سکے اور وقفے وقفے سے وکٹیں

گرتی رہیں۔محمد حفیظ 10، بین ڈنک 25، سلمان بٹ 21، سمت پٹیل 6، محمد فیضان 6، کپتان سہیل

اختر 8، سیکوگے پراسانا 8 اور سلمان ارشاد ایک رن بناکر آؤٹ ہوئے۔لاہور قلندرز کے ٹاپ اسکورر

عثمان شنواری رہے جنہوں نے 14 گیندوں پر 4 چھکوں کی مدد سے 30 رنز بنائے۔اسلام آباد کی

جانب سے رومان رئیس اور ظفر گوہر نے تین تین، شاداب خان نے دو جبکہ عاقف جاوید اور ڈیل

اسٹین نے ایک ایک وکٹ حاصل کی۔

Leave a Reply

%d bloggers like this: