Spread the love
وفاقی دارلحکومت کے سب سے بڑے ہسپتال پمز میں طبی حملے کی ہڑتال کے باعث مریض شدید مشکلات کا شکار ہوگئے۔ بدھ کو پمز کے ڈاکٹرز، نرسز اور پیرا میڈیکل سٹاف نے حکومت کی جانب سے بورڈ آف گورنرز کی تعیناتی کیخلاف احتجاج کیا۔ اس موقع پر خطاب کرتے ہوئے پمز کے ورکرز رہنمائوں نے کہا کہ بی او جی کے قیام کا مقصد پمز میں ایم ٹی آئی نظام لانا اور طبی عملہ کی سرکاری حیثیت ختم کرنا ہے جس سے ورکرز میں شدید مایوسی پائی جاتی ہے۔ پمز کے ورکروں کی جانب سے چار روز سے روزانہ صبح 2 گھنٹے کیلئے ہڑتال کئے جانے کے باعث مریضوںکو شدید مشکلات کا سامنا کرنا پڑ رہا ہے۔
