پاکستان کو ریڈ لسٹ میں رکھنے کا فیصلہ جوائنٹ بائیو سکیورٹی سینٹر کی ہدایت پر کیا،برطانیہ

Spread the love

پاکستان ریڈ لسٹ میں

لندن (جے ٹی این آن لائن نیوز) برطانیہ کی جانب سے پاکستان کو کورونا سے متاثرہ ممالک کی ریڈ

لسٹ میں رکھے جانے کی وجوہات سامنے آگئیں ۔ میڈیارپورٹس کے مطابق پاکستان کو ریڈ لسٹ میں

رکھنے پر برطانوی اور پاکستانی حکام نے آن لائن دلائل دیئے۔ذرائع کے مطابق پا کستا ن نے برطانیہ

کو ڈیٹا فراہم نہیں کیا لیکن پاکستانی حکام کا کہنا تھا برطانیہ نے کورونا سے متعلق ڈیٹا طلب ہی نہیں

کیا، پاکستانی حکومت برطانوی ہائی کمیشن سے ڈیٹا شیئر کرتی رہی ہے اور کورونا سے متعلق ڈیٹا

این سی او سی کے ٹوئٹر پر بھی دستیاب ہے۔پاکستانی نژاد بر طا نوی اراکین پار لیمنٹ نے برطانوی

حکومت کو ریڈ لسٹ سے متعلق خطوط لکھے۔ سربراہ این سی او سی اسد عمر اور ڈاکٹر فیصل

سلطان کی برطانوی ارکان پارلیمنٹ سے آن لائن میٹنگ ہوئی۔برطانوی رکن پارلیمنٹ نے کہا فیصل

سلطان نے بتایا برٹش ہائی کمشنر سے چار، پانچ ہفتوں سے بات ہی نہیں ہو ئی ۔ادھر برطانوی محکمہ

ٹرانسپورٹ کا موقف ہے کہ پاکستان کو ریڈ لسٹ میں رکھنے کا فیصلہ جوائنٹ بائیو سکیورٹی سینٹر

کی ہدایت پر کیاگیا۔خیال رہے برطانوی وزیراعظم بورس جانسن نے پاکستان کو ریڈ لسٹ سے نکالنے

کا اشارہ دیتے ہوئے کہا تھا پاکستان کے کورونا کے اعداد و شمار کا جائزہ لے رہے ہیں۔

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply