0

وزیر اعظم سعودی ولی عہد کو پشاوری چپلوں کاتحفہ دیں گے

Spread the love

سعودی ولی عہد شہزادہ محمد بن سلمان کی پاکستان آمد پر مہینے بھر سے تیاریوں کا سلسلہ جاری ہے۔ ایسے میں پاکستانی وزیر اعظم نے سعودی ولی عہد کے لیے ایک خاص تحفہ تیار کرنے کی بھی ہدایات جاری کر رکھی ہیں۔سعودی ولی عہد کا حالیہ دورہ پاکستان کی نہ صرف معاشی صورت حال بلکہ سفارتی اعتبار سے بھی انتہائی اہمیت کا حامل ہے۔ سعودی وفد کے دورہ پاکستان کے پیش نظر وفاقی دارالحکومت میں تیاریاں عروج پر ہیں۔ اس خاص دورے کی مناسبت سے وزیر اعظم عمران خان سعودی ولی عہد کو پشاور کی مشہور چپل کے چار جوڑے تحفے میں دینے کا ارادہ رکھتے ہیں۔وزیر اعظم عمران خان کی پشاوری چپل کو ملک بھر میں بے حد مقبولیت حاصل ہے۔ ان کا قمیض شلوار کے ساتھ پشاوری چپل پہننے کا انداز اس قدر مقبول ہوا کہ اس اسٹائل کی تقلید کرنے والوں میں نوجوانوں کے علاوہ دیگر رہنما بھی شامل ہوگئے۔ سعودی ولی عہد کے لیے بھورے اور کالے رنگ کی پشاوری چپل کے جوڑے تیار کیے گئے ہیں۔وزیر اعظم عمران خان کی جانب سے سعودی ولی عہد شہزادہ محمد بن سلمان کو پشاوری چپل کا تحفہ پیش کرنا ایک بہترین روایت قائم کرے گا۔ مختلف ممالک سے پاکستان آنے والے اعلی عہدیداران اور سفارت کاروں کو مہنگے اور قیمتی تحائف کے بجائے پاکستانی مصنوعات کا تحفہ دینا نہایت احسن اقدام ہے۔ پاکستانی کاریگروں کی محنت سے تیار کردہ اور ثقافتی رنگوں سے سجی ان مصنوعات کا دنیا بھر میں کوئی نعم البدل نہیں ۔

Leave a Reply