نئی ایمنسٹی سکیم کا اعلان، فائدہ اٹھانے والے دیر نہ کریں ورنہ چھپنے کی جگہ نہیں ملے گی، حکومت

Spread the love

اسلام آباد(سٹاف رپورٹر) وزیر خزانہ اسد عمر کہا ہے ملکی معیشت کی بحرانی

کیفیت ختم ہوگئی ہے اور اب ہم استحکام کے مرحلے میں ہیں جو ڈیرھ سال تک

رہے گا۔ اسلام آباد میں تقریب سے خطاب کرتے ہوئے انکا مزید کہنا تھا پاکستان

کی معیشت کو تین بڑے چیلنجز درپیش ہیں، بجٹ خسارہ، تجارتی خسارہ اور

سرمایہ کاری کم ہونا، پاکستان اتنی برآمدات نہیں کرتا جتنی ضرورت ہے۔معیشت

آئی سی یو سے نکل آئی ہے ، پاکستان اتنی برآمدات نہیں کرتا کہ زرمبادلہ حاصل

کرے، ہمارے پاس جو زرمبادلہ بچا تھا وہ اتنی تیزی سے نکل رہا تھا کہ اسے

روکنے کے لیے مجھے مٹھی سختی سے بند کرنا پڑی۔ 70 سال میں کئی ملک ہم

سے آگے نکل گئے جن میں بنگلا دیش بھی شامل ہے، آج افریقا کے آدھے ممالک

کی معیشت کی ترقی کی رفتار ہم سے بہتر ہے۔ اس وقت ہم صرف پرانے

قرضے واپس کرنے کے لیے نہیں لے رہے بلکہ اس پر سود ادا کرنے کے لیے

بھی لے رہے ہیں، سود کی ادائیگی کے لیے 800 ارب سے زیادہ قرض لیا گیا،

ہم خطرناک حد سے بھی آگے چلے گئے۔ 2003 میں ہماری برآمدات معیشت کے

حجم کے ساڑھے 13 فیصد تھیں جو پچھلے سال 8 فیصد ہوگئی یعنی ہم ترقی کے

بجائے تنزلی پر چلے گئے، ہمیں پچھلے سال 1900 ارب روپے کا خسارہ ہوا،

یہی وجہ ہے ہم دوست ممالک اور آئی ایم ایف کے پاس جاتے ہیں اور ہر ایک

سے مدد مانگتے ہیں۔ اگر صرف بلوچستان کے وسائل کا ٹھیک سے استعمال

کرتے تو آئی ایم ایف کے سامنے نہ کھڑے ہوتے، آج بنگلا دیش ہم سے دو گنا،

بھارت ڈھائی اور ترکی تین گنا زیادہ ترقی کر رہا ہے، ہمیں بھی وہاں پہنچنے کی

ضرورت ہے۔ ایف بی آر ٹھیک نہیں ہوگا تو پاکستان ٹھیک نہیں ہوگا، پاکستان میں

سیونگز ریٹ دنیا کے کم ترین ممالک میں سے ہے، گزشتہ سال پاکستان کا

سیونگ ریٹ 10 فیصد تھا، اگر پیسہ بچائیں گے اور سرمایہ کاری کریں گے تو

آگے بڑھیں گے، چین اور بھارت کی ترقی کی وجہ سیونگ ریٹ کا زیادہ ہونا

ہے۔ معذرت کے ساتھ کوئی ٹیکس نہیں دینا چاہتا، اتنے سوال آپ بیٹی کا رشتہ

دیتے ہوئے نہیں پوچھتے جتنے سوال ایف بی آر ٹیکس ریٹرن میں پوچھتا ہے اس

لیے ٹیکس کی ادائیگی کے لیے آسانی پیدا کی جائے۔ لوگوں کو جیلوں میں ڈالنے

کا کوئی فائدہ نہیں، اثاثے ظاہر کرنے کی سکیم لانے کا فیصلہ ہوگیا ہے لیکن یہ

اسکیم اس وقت کامیاب ہوگی جب لوگوں کو یہ پتا ہوگا کہ سکیم جب ختم ہوگی تو

اس کے بعد ان کے پاس چھپنے کی جگہ نہیں ہوگی لہٰذا اسکیم سے فائدہ اٹھائیں

اس کے بعد گلہ نہ کریں۔ ہمارے بیرونی انفارمیشن کے ذریعے بہت بہتر ہوگئے

ہیں، اب بے نامی اکاؤنٹس کے حوالے سے قانون کا نوٹی فکیشن کردیا گیا ہے۔ ہم

نے مصنوعی طور پر روپے کو طاقتور رکھ کر معیشت کا بہت نقصان کیا، روپے

کی قدر بڑھاکر رکھنا مزدور، کسان اور سرمایہ کار پر ٹیکس ہے، ہم نے یہ نظام

ختم کرنا ہے، ہمیں ایکسچینج ریٹ اسٹیبلٹی چاہیے۔ آئی ایم ایف کے ساتھ معاہدہ

حتمی مراحل میں ہے، صرف الیکشن کیلئے معیشت کے فیصلے کریں گے کوئی

فائدہ نہیں ہو گا، ہمیں کہا گیا فوری آئی ایم ایف کے پاس نہ گئے تو نقصان ہو گا،

اب معیشت میں کرائسزکا دور ختم ہو گیا ہے اور معیشت استحکام کی جانب بڑھ

رہی ہے،جمہوریت سے متعلق بڑی باتیں کی جاتی ہیں لیکن عمل نہیں کیا جاتا،

میثاق معیشت کی باتیں کی گئیں،پاکستان کی معیشت کے3 بنیادی چیلنجزہیں،صرف

الیکشن کیلئے معیشت کے فیصلے کریں گے کوئی فائدہ نہیں ہو گا،حکومت کے

آغاز سے پہلے ہمیں اہم فیصلے کرنے کی ضرورت تھی، ہمیں آئی سی یو میں لیٹا

ہوا مریض ملا تھا جس کا فوراً آپریشن کیا۔

Leave a Reply