money laundring

لندن منی لانڈرنگ کا گڑھ بن گیا، میئر اور اپوزیشن لیڈر کا اظہار تشویش

Spread the love

لندن منی لانڈرنگ گڑھ

لندن(جے ٹی این آن لائن نیوز) برطانوی دارالحکومت منی لانڈرنگ کا گڑھ بن گیا ہے، جس پر میئر

لندن اور اپوزیشن لیڈر نے اظہار تشویش کیا۔میڈیارپورٹس کے مطابق برطانوی اپوزیشن لیڈر کیئر

اسٹارمر اور میئر آف لندن صادق خان نے ترقی پذیر ممالک سے کرپشن کا پیسہ برطانیہ منتقل ہونے

پر تشویش کا اظہار کیا ۔میئر لندن صادق خان کا کہنا تھا کہ غیر قانونی پیسوں سے لندن میں جائیدادیں

خریدی جاتی ہیں اور دنیا بھر سے کالا دھن لندن لا کر سفید کیا جاتا ہے، کافی سالوں سے لندن منی

لانڈرنگ کا کیپٹل بنا ہوا ہے۔میئر لندن صادق خان نے کہا ہمیں فکر ہے کہ کافی سالوں سے لندن منی

لانڈرنگ کا کیپٹل ہے، غیر قانونی طریقے سے کمائے پیسے لندن منتقل کیے جاتے ہیں، میں لابنگ

کر رہا ہوں کہ حکومت لندن کو منی لانڈرنگ کے لیے استعمال ہونے سے روکے۔میئر کا کہنا تھا دنیا

بھر سے کالا دھن لندن لا کر سفید کیا جا رہا ہے، لندن کے بینک، کاروبار، پراپرٹیز میں غیر قانونی

پیسہ لگایا جاتا ہے، پولیس محنتی ہے مگر قانون میں بہت سارے سقم ہیں، حکومت پر زور دوں گا کہ

قانون میں موجود سقم دور کریں۔صادق خان نے کہا کئی ملٹی ملینرز غیر قانونی پیسہ لندن میں انویسٹ

کر رہے ہیں، میں نہیں چاہتا کہ لندن غیر قانونی کاموں کے لیے استعمال ہوتا رہے، اگر آپ نے جائز

طریقے سے پیسہ کمایا ہے تو ضرور لندن میں لگائیں۔برطانوی اپوزیشن لیڈر کیئر روڈنی اسٹارمر نے

کہا کہ منی لانڈرنگ روکنے کی لیے پولیسنگ میں بہتری ضروری ہے، کرپشن کو روکنا انتہائی

ضروری ہے، ہم کرپشن اور منی لانڈرنگ روکنے میں کردار ادا کریں گے۔

لندن منی لانڈرنگ گڑھ

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply