عمر شیخ رہائی کا حکم

عمر شیخ کیخلاف سندھ حکومت کی نظر ثانی درخواست سماعت کیلئے مقرر

Spread the love

عمر شیخ نظرثانی درخواست

اسلام آباد (جے ٹی این آن لائن نیوز) سپریم کورٹ میں احمد عمر شیخ کے خلاف

سندھ حکومت کی نظر ثانی درخواست سماعت کیلئے مقرر کردی گئی ہے۔جسٹس

عمرعطا بندیال کی سربراہی میں 3 رکنی بنچ یکم فروری کو کیس کی سماعت

کرے گا۔گزشتہ روز سندھ حکومت نے انٹر نیشنل اخبار، وال اسٹریٹ جرنل کے

سائوتھ ایشیا کیلئے انچارج، امریکی باشندیڈینئل پرل قتل کیس کے ملزمان کو بری

کرنے کے فیصلے پر نظرثانی کیلئے درخواست دائر کرکے اسے فوری سماعت

کے لیے مقرر کرنے کی استدعا کی تھی۔پراسیکیوٹر جنرل سندھ نے مزید

دستاویزات جمع کرانے کے لیے ایک ہفتے کا وقت بھی مانگا تھا، نظرثانی

درخواست میں استدعا کی گئی ہے کہ فیصلے پر نظرثانی کرتے ہوئے ملزمان کی

سزائوں کو بحال کیا جائے۔واضح رہے کہ سپریم کورٹ میں جسٹس مشیر عالم کی

سربراہی میں قائم بنچ نے ڈینئل پرل قتل کیس کے تمام ملزمان کو فوری رہا کرنے

کا حکم دیا تھا۔جسٹس مشیر عالم کی سربراہی میں تین رکنی بینچ نے دو ایک کی

اکثریت سے فیصلہ دیا تھا، کیس کا تفصیلی فیصلہ بعد میں جاری کرنے کا کہا گیا

تھا۔کیس میں دلائل مکمل ہونے کے بعد سپریم کورٹ نے سندھ حکومت کی اپیل

خارج کرتے ہوئے کہا تھا کہ ملزمان اگر کسی اور مقدمے میں مطلوب نہیں تو ان

کو فوری طور پر رہا کردیا جائے، ملزمان میں احمد عمر شیخ، سلمان ثاقب، فہد

نسیم اور عادل شیخ شامل ہیں۔

عمر شیخ نظرثانی درخواست

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )

قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply