عمران خان نے گلی کوچوں میں تبدیلی کے سونامی سے قیامت برپا دی ، بلاول بھٹو

Spread the love

عمران خان تبدیلی سونامی

کراچی (جے ٹی این آن لائن نیوز) بلاول بھٹو زرداری نے وزیراعظم عمران خان کو عوام دشمن قرار

دے دیا۔ انہوں نے سوال کیا کہ دورہ سعودی عرب سے وزیراعظم نے زکوۃاور فطرے کی مد میں

چاولوں کے 19 ہزار تھیلوں کو حاصل کرنے کے علاوہ کیا کامیابی حاصل کی؟۔بلال ہاؤس سے

جاری بیان میں چیئرمین پیپلزپارٹی بلاول بھٹو نے کہا کہ وزیراعظم کے دورہ سعودی عرب کے

اخراجات کا زکوۃکی مد میں حاصل ہونے والے چاولوں کے تھیلوں کی قیمت سے موازنہ کیا جائے،

عمران خان کی 22 سالہ جدوجہد اگر ایک ایٹمی ملک کو سعودی بادشاہ کے زکوۃ کے چاول کے لائق

بنانا کیلئے تھی تو دعا ہے کہ خدا کسی کو ایسی جدوجہد کی توفیق نہ دے۔بلاول بھٹو زرداری نے کہا

کہ مرغی 400 روپے کلو سے زائد کر کے عمرے کے لئے سعودی عرب جانے والے عمران خان

سے عوام حساب لیں گے، وزیراعظم صاحب، نوٹس لینے اور انکوائری رپورٹوں کے جھانسے دے

کر مہنگائی پر قابو پانے کے آپ کے دعوے بے نقاب ہوچکے، نتھیا گلی میں عید کی چھٹیاں منانے

والے وزیراعظم کو علم ہی نہیں کہ وہ ملک کے گلی کوچوں میں تبدیلی کے سونامی سے قیامت برپا

کرچکے ہیں۔

عمران خان تبدیلی سونامی

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply