سعودی عرب میں خواتین کو تنہا اور آزاد زندگی گزارنے کی اجازت

سعودی عرب میں خواتین کی آزادی میں حائل تمام رکاوٹیں ختم

Spread the love

ریاض (جے ٹی این آن لائن خواتین نیوز) سعودی عرب خواتین اجازت

سعودی عرب میں خواتین کی آزادی میں حائل تمام رکاوٹیں ختم ہو گئیں، مملکت

سعودی عرب میں پہلی بار خواتین کو اپنے مرد سرپرست یعنی والد، بھائی یا شوہر

کے بغیر تنہا رہنے اور آزاد زندگی گزارنے کی اجازت مل گئی۔ عالمی خبر رساں

ادارے کے مطابق سعودی عرب میں ہونے والی نئی قانون سازی میں خواتین کو

لازمی طور پر اپنے مرد سرپرست کے ساتھ رہنے کے قانون کے آرٹیکل 169

سے پیراگراف ( ب ) حذف کردیا گیا جس کے بعد مملکت میں خواتین کو والد،

بھائی یا شوہر کے ساتھ رہنے کے بجائے تنہا رہنے کا حق حاصل ہو گیا ہے۔ قانون

میں اس ترمیم کے بعد سعودی عرب میں خواتین کو اب طلاق یا کسی جرم میں سزا

مکمل کرنے کے بعد ان کے مرد سرپرستوں میں سے کسی ایک کے حوالے کرنے

کے بجائے تنہا رہنے کی اجازت حاصل ہو گئی۔ اسی طرح خواتین کو اب کئی اور

معاملات میں مرد سرپرستوں کی اجازت لینا بھی ضروری نہیں ہو گا۔

=–= خواتین سے متعلق مزید خبریں ( =–= پڑھیں =–= )

نئے قانون کے متن میں خاتون کے تنہا رہنے پر خاندان کے مرد سربراہ کی جانب

سے مقدمہ کے انداراج کو ممنوع قرار دیتے ہوئے کہا گیا ہے کہ بالغ عورت کو یہ

حق حاصل ہے کہ وہ کہاں رہنا چاہے۔ علاوہ ازیں سرپرست، آزاد اور تنہا رہنے

والی خاتون سے متعلق صرف اسی وقت شکایت درج کرا سکتے ہیں جب وہ خاتون

کسی جرم کی مرتکب ہوئی ہو اور جرم کا ثبوت بھی موجود ہو۔ سعودی عرب میں

خواتین کے سرپرست کے حوالے سے قانون کے بڑھتے ہوئے ناجائز استعمال پر

کافی عرصے سے غور و خوض جاری تھا، تاہم فروری 2019ء میں 18 سالہ

لڑکی کے چھپتے چھپاتے تھائی لینڈ پہنچنے اور والدین پر زبردستی فیصلے مسلط

کرنے کے الزامات پر اس معاملے کو عالمی توجہ ملی تھی۔

=-= قارئین کاوش پسند آئے تو اپ ڈیٹ رہنے کیلئے فالو کریں

ولی عہد محمد بن سلمان نے منصب سنبھالتے ہی کئی تاریخی اور غیر معمولی

نوعیت کے اقدامات کیئے، جن میں وژن 2023ء کے تحت خواتین کو خود مختار

بنانا بھی شامل ہے، جس کے بعد سے خواتین کو گاڑی چلانے، ملازمت کرنے،

کھیل میں حصہ لینے اور بیرون ملک کے اکیلے سفر کی اجازت ملی ہے۔ واضح

رہے کہ ترمیم سے قبل سعودی عرب میں خاتون کو اپنے کسی مرد رشتہ دار کے

ساتھ رہنا لازمی تھا۔ اسی طرح باپ یا شوہر، چچا، بھائی یہاں تک کہ بیٹا کی

اجازت کے بغیر شادی، پاسپورٹ کے حصول یا بیرون ملک سفر کرنا ناممکن تھا۔

سعودی عرب خواتین اجازت

Leave a Reply