سپریم کورٹ میں ججز تقرری کی بنیاد سنیارٹی مقرر، آئینی ترمیم منظور

قرضے لیکر سرکاری ملازمین کی تنخواہیں دینا خطرناک ہے،چیف جسٹس

Spread the love

سرکاری ملازمین کی تنخواہیں

اسلام آباد(جے ٹی این آن لائن نیوز) چیف جسٹس پاکستان گلزار احمد نے کہا ہے کہآئی ایم ایف سے

قرضے لیکر سرکاری ملازمین کی تنخواہیں دینا خطرناک ہے ، خیبرپختونخوا کے سرکاری ادارے

تنخواہیں اور پینشن دینے کے قابل نہیں،صوبے میں سرکاری اداروں میں لوگوں کو ملازمتوں پر لگا

کر بھر دیا گیا ہے ۔ تفصیلات کے مطابق چیف جسٹس گلزار احمد کی سربراہی میں سپریم کورٹ کے

تین رکنی بینچ نے محکمہ جنگلات خیبر پختونخوا کے ملازم فضل مختار کی پینشن ادائیگی سے متعلق

کیس کی سماعت کی۔ وکیل درخواست گزار نے دلائل دیے کہ 1989 میں پروجیکٹ پر فارسٹ گارڈ

بھرتی ہوا اور 1994 میں فارغ کیا گیا اور اسی وقت فریش اپوائمنٹ کی گئی، اب پینشن کی ادائیگی

کے دوران میری چار سالہ سروس کاونٹ نہیں کی گئی۔ عدالت نے فارسٹ گارڈ فضل مختار کی پینشن

ادائیگی سے متعلق اپیل مسترد کر دی۔ دوران سماعت چیف جسٹس گلزار احمد نے ایڈیشنل ایڈوکیٹ

جنرل خیبرپختونخواہ قاسم ودود سے کہا کہ خیبرپختونخواہ کے سرکاری ادارے تنخواہیں اور پینشن

دینے کے قابل نہیں ہیں، صوبے میں سرکاری اداروں میں لوگوں کو ملازمتوں پر لگا کر بھر دیا گیا

ہے، آپ کی حکومت آئی ایم ایف اور ورلڈ بینک سے قرضے لے رہی ہے، یہ طریقہ خطرناک ہے کہ

قرضہ لیکر سرکاری ملازمین کی تنخواہیں ادا کی جارہی ہیں، کیا خیبرپختونخواہ میں سرکاری نوکری

کے علاوہ روزگار کیلئے دوسرا کوئی ذریعہ نہیں ہے۔ ایڈیشنل ایڈوکیٹ جنرل خیبرپختونخواہ قاسم

ودود نے کہا کہ آئی ایم ایف اور ورلڈ بینک سے صوبہ ڈائریکٹ فنڈز نہیں لے سکتا ہے۔ جسٹس مظاہر

علی اکبر نقوی نے کہا کہ خیبر پختونخواہ کی معیشت کو جو نقصان ہورہا ہے اس کی سب سے بڑی

وجہ اسمگلنگ ہے، خیبر پختونخواہ میں انڈسٹری کو بڑھانے کیلئے اسمگلنگ روکنا ہوگا، کے پی کے

میں اسمگلنگ میں ملوث عناصر کو ختم کرنے کیلئے موثر اقدامات ضروری ہیں۔

سرکاری ملازمین کی تنخواہیں

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply