UK pakistani and muslims candidats 133

برطانوی انتخابات میں 15 پاکستانیوں سمیت 24 مسلم امیدواروں کی تاریخی فتح

Spread the love

لندن(جتن آن لائن انٹرنیشنل نیوز) پاکستانی و مسلم امیدوار

برطانیہ میں قبل از وقت ہونے والے عام انتخابات میں وزیراعظم بورس جانسن کی جماعت کنزرویٹو پارٹی نے فتح حاصل کرلی ہے جبکہ پہلی بار 24 مسلمان امیدواروں نے میدان مار لیا ہے جن میں سے 15 پاکستانی نژاد برطانوی شہری ہیں۔ مزید پڑھیں

برطانیہ میں ہونے والے عام انتخابات کی ایک خاص اس بار انتخابی دنگل میں پہلی بار اتنی بڑی تعداد یعنی 70 مسلمان امیدواروں کا حصہ لینا تھا، ان مسلم امیدواروں میں سے زیادہ تر کا تعلق پاکستان کے علاوہ بنگلہ دیش اور ترکی سے ہے۔ 70 میں 24 مسلم امیدواروں نے کامیابی حاصل کرکے برطانیہ کی پارلیمانی تاریخ میں پہلی بار اتنی بڑی تعداد میں پارلیمنٹ کا حصہ بنیں گے۔

انتخابات میں اپوزیشن جماعت لیبر پارٹی کی جانب سے ریکارڈ 33 پاکستانی نژاد برطانوی امیدواروں کو ٹکٹیں دی گئیں تھیں جبکہ حکمراں جماعت نے ماضی کی روایت توڑتے ہوئے پہلی بار 2 پاکستانیوں حنا بخاری اور حمیرہ ملک کو ٹکٹ دیا تھا۔ اب تک حاصل ہونے والے نتائج کے تحت پاکستان سے تعلق رکھنے والے 15 امیدواروں نے میدان مارلیا ہے، جن میں لیبر پارٹی کی ناز شاہ، خالد محمود، یاسمین قریشی، افضل خان، طاہر علی، محمد یاسین، عمران حسین، زارا سلطانہ اور شبانہ محمود جب کہ کنزرویٹو کے نصرت غنی، عمران احمد، ساجد جاوید، رحمان چشتی اور ثاقب بھٹی شامل ہیں۔ اسی طرح دیگر ممالک سے تعلق رکھنے والے 9 مسلم امیدواروں نے بھی فتح اپنے نام کرلی ہے۔ حتمی نتائج میں مزید پاکستانی اور دیگر مسلم ممالک کے شہری امیدواروں کی کامیابی کا امکان بھی ظاہر کیا جا رہا ہے-

پاکستانی و مسلم امیدوار

اپنا تبصرہ بھیجیں