روس ، اسکول جانے کی تاکید کرنے پر بیٹے نے والدین اوربہن کو قتل کر دیا

Spread the love

اسکول جانے کی تاکید

ماسکو(جے ٹی این آن لائن نیوز) روس میں ایک 17 سالہ نوجوان نے اسکول جانے کی تاکید کرنے پر

والدین اور بہن کو کلہاڑی کے وار کر کے قتل کردیا، لڑکے نے والد کا چہرہ کچل کر انہیں اپنے

کپڑے بھی پہنا دئیے تاکہ پولیس کو یہ تاثر جائے کہ باپ قتل کرنے کے بعد فرار ہوچکا ہے۔روسی

میڈیا کے مطابق اس لرزہ خیز واردات نے نہ صرف اہل علاقہ کو ہلا کر رکھ دیا بلکہ پولیس کو بھی

چکرا دیا، 17 سالہ وڈیم گوربونوف نے والدین کے بار بار اسکول جانے کی تاکید پر ہولناک قدم اٹھا

لیا۔ لڑکے نے کلہاڑی کے وار کر کے والدین اور بہن کو قتل کردیا اور گھر سے فرار ہوگیا۔ لڑکے

نے والد کی لاش کچل کر ان کا چہرہ مسخ کردیا اور انہیں اپنے کپڑے پہنا دئیے تاکہ پولیس کو لگے

کہ وہ خود بھی قتل ہوچکا ہے۔ملزم کی یہ چال کامیاب رہی اور پولیس ابتدائی طور پر اس گمان میں

رہی کہ کہ قتل والد نے کیا ہے جو اب فرار ہوچکا ہے۔بعد ازاں فرانزک رپورٹ سے انکشاف ہوا کہ

لاش بچے کی نہیں بلکہ والد کی ۔2 دن بعد پولیس نے نوجوان کو جائے وقوع سے 362 کلومیٹر دور

گرفتار کرلیا، لڑکے نے اعتراف جرم کرتے ہوئے بتایا کہ وہ اسکول نہیں جانا چاہتا تھا اور اس کی

والدہ زبردستی اسے اسکول بھیجنے کی تیاری کر رہی تھیں۔لڑکے کے مطابق ماں بیٹے کے درمیان

شدید لڑائی ہوئی جس کے بعد ملزم نے غصے میں کلہاڑی اٹھا کر پہلے والدہ پر وار کیا اور پھر والد

پر حملہ کردیا۔ آخر میں لڑکے نے اپنی بہن کو بھی قتل کردیا۔پولیس نے ملزم کو گرفتار کر کے جیل

بھیج دیا ہے۔

اسکول جانے کی تاکید

ستاروں کا مکمل احوال جاننے کیلئے وزٹ کریں ….. ( جتن آن لائن کُنڈلی )
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں

Leave a Reply