27

برسبین ٹیسٹ کے بعد ایڈیلیڈ ٹیسٹ میں بھی پاکستان کو عبرتناک شکست

Spread the love

ایڈیلیڈ(سپورٹس رپورٹر)برسبین ٹیسٹ کے بعد ایڈیلیڈ ٹیسٹ میں بھی پاکستان کو ایک اننگز اور 48

رنز سے شکست ہو گئی ہے اور آسٹریلیا نے دو میچوں کی سیریز میں گرین کیپس کو وائٹ واش کر

دیا ہے۔یہ پاکستان کی آسٹریلیا میں ٹیسٹ میچز میں مسلسل 14 اور سیریز میں مسلسل پانچویں شکست

ہے۔پنک بال ٹیسٹ کی دوسری اننگز میں پاکستان آسٹریلیا کے 589 رنز کے جواب میں 239 رنز پر

ڈھیر ہو گئی اور اس طرح میچ میں قومی ٹیم کو ایک اننگز اور 48 رنز سے شکست کا سامنا کرنا پڑا۔

کھیل کے چوتھے روز پاکستان نے اپنی دوسری نامکمل اننگز کا آغاز کیا تو اسے آسٹریلیا کی پہلی

اننگز کی برتری ختم کرنے کے لیے مزید 248 رنز درکار تھے اور شان مسعود اور اسد شفیق وکٹ

پر موجود تھے۔پاکستان کا اسکور 123 رنز پر پہنچا تو شان مسعود 68 رنز بنا کر ناتھن لیون کا شکار

ہو گئے، اسد شفیق بھی ناتھن لیون ہی کے ہاتھوں آٹ ہوئے، انہوں نے 57 رنز کی اننگز کھیلی۔افتخار

احمد 27، محمد رضوان 45 اور یاسر شاہ 13 رنز بنا کر آٹ ہوئے جب کہ آسٹریلیا کی جانب سے

دوسری اننگز میں ناتھن لیون نے 5 اور جوش ہیزلوڈ نے تین کھلاڑیوں کو آٹ کیا۔ڈیوڈ وانر کو شاندار

ٹرپل سنچری اسکور کرنے پر میچ کا بہترین کھلاڑی قرار دیا گیا۔خیال رہے کہ برسبین ٹیسٹ میں بھی

آسٹریلیا نے پاکستان کو ایک اننگز اور 5 رنز سے شکست دی تھی۔واضح رہے کہ آسٹریلیا کی ٹیم نے

بلے باز ڈیوڈ وارنر کے 335 رنز کی بدولت 3 کھلاڑیوں کے نقصان پر 589 رنز بناکر پہلی اننگز

ڈکلیئر کردی تھی، جس کے جواب میں پاکستانی ٹیم اپنی پہلی اننگز میں 302 رنز پر آٹ ہو کر فالوآن

کا شکار ہوگئی تھی۔