63

یو اے ای کاپاکستان میں 5 ارب ڈالر کی سرمایہ کاری کا اعلان

Spread the love

دبئی (مانیٹرنگ ڈیسک)پاکستان میں متحدہ عرب امارات کے سفیر حماد عبید

ابراہیم سلیم الزابی نے کہا ہے کہ یو ای اے رواں سال کے اختتام میں پاکستان میں

آئل ریفائنری کے منصوبے میں 5 ارب ڈالر کی سرمایہ کاری کریگا۔عرب نیوز

سے انٹرویو میں پاکستان میں متحدہ عرب امارات کے سفیر حماد عبید ابراہیم سلیم

الزابی نے کہا کہ ہم حب میں ریفائنزی کے منصوبے میں بہت جلد بڑی سرمایہ

کاری کرنے جارہے ہیں۔انہوں نے کہا کہ یہ ابو ظہبی کی مبادلہ پیٹرولیم کمپنی

پاک عرب ریفائنزی لمیٹڈ( پارکو ) اور او ایم وی ( او ایم وی پاکستان ایکسپلوریشن

جیسلشافٹ ) کے درمیان 5 ارب ڈاکر کی سرمایہ کاری ہوگی۔انہوںنے کہا کہ یہ

منصوبہ مبادلہ پیٹرولیم، پاکستان کی وزارت پیٹرولیم اس کے ساتھ ساتھ پارکو اور

او ایم وی کے درمیان بات چیت کا نتیجہ ہے۔اماراتی سفیر نے کہا کہ یہ منصوبہ

پاکستان اور متحدہ عرب امارات کے تعلق کی مضبوطی کو ظاہر کرے گا کہ کس

طریقے سے یو اے ای پاکستان میں سرمایہ کاری اور اس کے مستقبل پر توجہ

مرکوز کررہا ہے۔انہوں نے کہا کہ دونوں ممالک نئے منصوبوں اور سرمایہ کاری

کے معاملے میں آگے بڑھ رہے ہیں۔اماراتی سفیر نے کہا کہ دونوں ممالک کی

حکومتیں ریفائنری کے منصوبے سے متعلق تفصیلات کو حتمی شکل دے رہی ہیں۔

انہوں نے کہا کہ اس حوالے سے کئی اجلاس ہوچکے ہیں۔