46

لوک سبھا کی رکن بنتے ہی اداکارہ نصرت جہاں روحی کی پیا گھر سدھارنے کی بھی تیاریاں

Spread the love

نئی دہلی (جے ٹی این آن لائن مانیٹرنگ ڈیسک)

بھارت کے لوک سبھا یعنی ایوان زیریں کے 17 ویں انتخابات میں ریاست مغربی

بنگال سے آل انڈیا ترینیمول کانگریس (اے آئی ٹی سی) کی ٹکٹ پر الیکشن جیتنے

والی بنگالی فلموں کی معروف اداکارہ نصرت جہاں روحی نے منگنی کرلی۔ لوک

سبھا کی نوجوان ترین رکن کا اعزاز پانے والی نصرت جہاں روحی بنگالی، تامل

اور تیلگو سمیت بھارت کی دیگر زبانوں میں بننے والی فلموں سمیت ہندی زبان

میں بننے والے ڈراموں میں بھی اداکاری کے جوہر دکھا چکی ہیں اور وہ ٹولی وڈ

یعنی تامل، تیلگو، بنگالی اور مراٹھی زبان میں فلمیں بنانے والی انڈسٹری کی

مقبول ترین اداکارہ ہیں۔ وہ گزشتہ ہفتے انتخابات میں کامیابی کے بعد پہلی مرتبہ

28 مئی کو ساتھی اداکارہ مغربی بنگال سے ہی انتخابات جیتنے والی اداکارہ ممی

چکربورتی کے ساتھ لوک سبھا پہنچی تھیں اور دونوں اداکاراؤں نے پارلیمنٹ کے

باہر کھچوائی گئی تصاویر کو سوشل میڈیا پر شیئر کیا تھا۔ دونوں اداکاراؤں کی

سوشل میڈیا پر شیئر کی گئی تصاویر پر انہیں تنقید کا نشانہ بنایا گیا تھا اورکئی

صارفین نے ان کی تصاویر پر کمنٹس کیے تھے کہ لوک سبھا کسی فلم کی شوٹنگ

کا مقام نہیں۔ لوک سبھا کا پہلے اجلاس ہونے سے قبل ہی نصرت جہاں نے سوشل

شیئرنگ ایپلی کیشن پر انگوٹھی کے ساتھ تصویر شیئر کرتے ہوئے اپنی منگنی کی

تصدیق کی۔ اداکارہ و نو منتخب رکن پارلیمنٹ کی جانب سے تصویر شیئر کیے

جانے کے بعد کئی لوگوں نے ان کے لیے نیک خواہشات کا اظہار کیا۔ نصرت

جہاں روحی نے تصویر شیئر کرتے ہوئے اپنے منگیتر نکھل جین کو بھی اس میں

مینشن کیا۔ اداکارہ کی جانب سے تصویر شیئر کیے جانے کے بعد بھارتی میڈیا میں

ان کی جلد شادی کی چہ مگوئیاں ہونے لگی ہیں۔ ٹائمز آف انڈیا کے مطابق نصرت

جہاں روحی جلد ہی کولکتا کے کاروباری نوجوان نکھل جین سے شادی کے بندھن

میں بندھ جائیں گی۔ خیال رہے نصرت جہاں روحی لوک سبھا رکن منتخب ہونے

والی 2 مسلمان خواتین میں سے ایک ہیں، ان کے علاوہ ان کی ہی ریاست مغربی

بنگال سے ساجدہ احمد بھی رکن لوک سبھا منتخب ہوئی ہیں۔

اس خبر پر اپنی رائے کا اظہار کریں

Leave a Reply