147

وفاقی حکومت نے ایڈزپر قابو پانے کیلئے عالمی ادارہ صحت سے تعاون کی اپیل کر دی

Spread the love

اسلام آباد(جے ٹی این آن لائن ہیلتھ رپورٹر )

پاکستان نے لاڑکانہ کے تعلقے رتوڈیرو میں ایچ آئی وی ایڈز کے کیسز کی وبائی

صورت حال کے پیشِ نظر عالمی ادارہ صحت سے تعاون طلب کر لیا۔تفصیلات

کے مطابق پاکستان نے ڈبلیو ایچ او سے سندھ کے ایک علاقے میں ایچ آئی وی

ایڈز کے کیسز کی وبائی صورت حال کے حوالے سے تعاون طلب کر لیا ہے۔ذرایع

کا کہنا ہے کہ وزیر اعظم کے معاون خصوصی برائے قومی صحت نے ڈبلیو ایچ

او کو مراسلہ لکھ دیا ہے، جس میں پاکستان نے عالمی ادارہ صحت سے ماہرین کی

ٹیم بھجوانے کی درخواست کر دی ہے۔مراسلے میں کہا گیا ہے کہ ڈبلیو ایچ او

متاثرہ علاقوں کے لیے اپنے ماہرین کی ٹیم فوری روانہ کرے، دریں اثنا، پاکستان

نے ڈبلیو ایچ او سے ایڈز کی تشخیصی کٹس کی فراہمی سے متعلق بھی درخواست

کی ہے۔مراسلے میں کہا گیا کہ ڈبلیو ایچ او ایچ آئی وی کی 50 ہزار تشخیصی کٹس

فوری فراہم کرے۔پاکستان کا کہنا تھا کہ ضلع لاڑکانہ میں ایڈز کیسز وبائی صورت

حال اختیار کر چکے ہیں، ایڈز سے متاثرہ 500 بچوں کی عمریں 2 تا 15 برس

ہیں، وفاق ایڈز کی وبائی صورت حال میں سندھ سے رابطے میں ہے۔