65

مسجد میں بیگناہوں کو نشانہ بنانیوالے مسلمان نہیں ہوسکتے، جنرل باجوہ

Spread the love

راولپنڈی (جتن آن لائن سٹاف رپورٹر) آرمی چیف جنرل باجوہ

آرمی چیف جنرل قمر جاوید باجوہ نے کہا ہے مسجد میں بے گناہوں کو نشانہ بنانے والے مسلمان نہیں ہوسکتے۔ آئی ایس پی آر کے مطابق کوئٹہ کی مقامی مسجد میں مغرب کی نماز کے دوران ہونے والے دھماکے پر ردعمل میں آرمی چیف نے کہا کہ مسجد میں بے گناہوں کو نشانہ بنانے والے سچے مسلمان نہیں ہوسکتے۔ آرمی چیف نے ہدایت کی کہ پولیس اور سول انتظامیہ کو ہر ممکن معاونت فراہم کی جائے۔ مزید پڑھیں

دوسری طرف آرمی چیف جنرل قمرجاوید باجوہ سے آسٹریلین وائس چیف آف ڈیفنس فورسز وائس ایڈمرل ڈیوڈ جانسن نے ملاقات کی، دونوں عسکری رہنمائوں کے درمیان باہمی دلچسپی کے امور اور خطے میں قیام امن کے حوالے سے تفصیلی بات چیت کی گئی۔ آئی ایس پی آر کے مطابق جنرل قمر باجوہ سے ڈیوڈ جانسن کو پیشکش کی کہ پاک فوج آسٹریلوی جنگلات میں لگی آگ پر قابو پانے میں تعاون کرنے پر تیار ہے- جس پر ڈیوڈ جانسن نے سربراہ پاک فوج کا شکریہ ادا کرتے ہوئے کہا کہ آسٹریلیا کیلئے نیک خواہشات اور جذبات کے اظہار پر ہم پاکستان اور پاک فوج کے شکرگزار ہیں۔ انہوں نے دنیا میں بالخصوص ایشیائی خطے میں قیام امن کیلئے پاک فوج کی کوششوں کی تعریف کی جبکہ دہشت گردی کیخلاف جنگ میں پاک افواج کی قربانیوں کو بھی سراہا۔

آرمی چیف جنرل باجوہ

Leave a Reply